
- A-
- A
- A+
Evin divarlarını şeirlərlə dolduran kirayəçi danışdı: “Oyandım ki, hamı məni axtarır” – Foto
Türkiyənin İstanbul şəhərinin Büyükçekmece rayonunda yaşadığı evin divarlarını şeirlərlə doldurması ilə gündəmə gələn Abdullah Gönen başına gələnləri danışıb.
Bizim.Media türk mətbuatına istinadla xəbər verir ki, o, iki ildir yaşadığı evdə maddi çətinliklər səbəbindən 7-8 aylıq kirayə borcu yarandığını bildirib.
İş yerini də itirən Gönen təxminən üç ay ərzində evin divarlarına şeirlər yazıb.
Kirayəçi mətbəxin divarlarına yeməklə bağlı şeirlər yazdığını, tavanın hündürlüyünə görə isə həmin hissəni boş saxladığını deyib. O, evdən köçməzdən əvvəl divarları yenidən rəngləməyi planlaşdırdığını da bildirib.
Sosial şəbəkələrdə qəfil gündəmə gəlməsinə təəccübləndiyini deyən Gönen yaşadıqlarını belə ifadə edib:
“Belə bir şey olacağını yuxumda görsəydim, inanmazdım. Oyandım ki, hamı məni axtarır”.
Bizim.Media
Mətndə səhv varsa, onu qeyd edib ctrl + enter düyməsini basaraq bizə göndərin.

































































































