Ağır xəstə olan ana 20 yaşlı şəhid oğlu ilə vidalaşa bilmədi – VİDEO  

Ermənistanın sərhəddə törətdiyi son təxribatlar nəticəsində Xüsusi Təyinatlı Qüvvələrin müddətdən artıq həqiqi hərbi xidmət qulluqçusu Səfiyar Elşən oğlu Məmmədov şəhid olub.

Bizim.Media xəbər verir ki, 20 yaşlı şəhidin anası ağır xəstə olduğu üçün oğlu ilə vidalaşa bilməyib.

Hərbçinin qardaşı Şərhiyar Məmmədov bildirib ki, Kəlbəcərdə qulluq edən Səfiyar 44 günlük Vətən müharibəsində Laçın və Şuşanın işğaldan azad olunmasında da iştirak edib.  

Xatırladaq ki, sentyabrın 13-dən başlayaraq Ermənistan silahlı qüvvələri tərəfindən Azərbaycan-Ermənistan dövlət sərhədinin Daşkəsən, Kəlbəcər, Laçın və Zəngilan istiqamətlərində genişmiqyaslı təxribat törədilib. Təxribatları zamanı 71 hərbçimiz şəhid olub.

Bizim.Media