Əs-Süveyda əsilli qadın Suriyada sülh müşaviri oldu

Suriyanın xarici işlər naziri Əsəd əl-Şeybani Muzna Məmdouh əl-Ətraşı sülh məsələləri üzrə müşavir təyin edib.

Bizim.Media xəbər verir ki, əl-Ətraş ölkənin mərkəzi hakimiyyəti ilə münasibətlərdə gərginliyin davam etdiyi Əs-Süveyda vilayətindəndir.
 

Məlumata görə, o, humanitar, ictimai və media sahələrində iş təcrübəsinə malikdir. Bu təyinat Dəməşqin vilayətdəki vəziyyətin siyasi yolla tənzimlənməsinə hazır olduğunun göstəricisi kimi qiymətləndirilir.

Qeyd edək ki, 2025-ci ilin sentyabrında Əs-Süveyda vilayətində təhlükəsizliyin bərpasını, qanunun aliliyinin möhkəmləndirilməsini və bölgənin ümumilikdə Suriya dövlətinə inteqrasiyasını nəzərdə tutan üçtərəfli yol xəritəsi təklif olunub. Lakin hökumət əleyhinə hərəkatın lideri Hikmət əl-Hicri bu plana qarşı çıxır.

Bizim.Media