Onların da müalicəsi dövlət hesabına APARILACAQ

Azərbaycanda daimi yaşayan əcnəbilərə, vətəndaşlığı olmayan şəxslərə təxirəsalınmaz onkoloji yardım ixtisaslaşdırılmış dövlət tibb müəssisələrində dövlət büdcəsi vəsaiti hesabına göstəriləcək.

Bizim.Media xəbər verir ki, bu məsələ Milli Məclisin bugünkü iclasında “Əhalinin sağlamlığının qorunması haqqında” Azərbaycan Respublikasının Qanununa edilən dəyişiklik layihəsində əksini tapıb.
 

Layihəyə əsasən, Azərbaycan Respublikasının ərazisində daimi yaşayan əcnəbilərin, vətəndaşlığı olmayan şəxslərin onkoloji müəssisələrdə müayinə və müalicəsi ödənişli əsaslarla həyata keçirilir, onlara təxirəsalınmaz onkoloji yardım isə ixtisaslaşdırılmış dövlət tibb müəssisələrində dövlət büdcəsi vəsaiti hesabına göstəriləcək.

Həmçinin, “Onkoloji yardım haqqında” qanuna da eyni məzmunda dəyişiklik təklif edilib. Qanun layihəsi səsə qoyularaq birinci oxunuşda qəbul edilib.

Günay Şahmar, Bizim.Media