Nə qədər vaxtı keçmiş dollar kreditləri var? – Mərkəzi Bank sayı açıqladı

Azərbaycanda milli valyutada verilmiş kreditlər ümumi kredit portfelinin böyük hissəsini təşkil edir.

Bizim.Media Mərkəzi Bankın bülleteninə istinadən bildirir ki, oktyabrın ayının sonuna olan göstəriciyə görə, ümumi kredit qoyuluşu 16 milyard 415.9 milyon manat həcmində olub.
 

MÖVZU İLƏ BAĞLI:

Mərkəzi Bank dövriyyəyə çıxarılan pulun həcmini məhdudlaşdırır – Elman Rüstəmov

Onun 11 milyard 913,5 milyon manatını milli valyutada verilən kreditlər təşkil edib. Milli valyutada verilmiş kreditlərin 597,9 milyonu vaxtı keçmiş kreditlərdir.

Xarici valyutada verilmiş kreditlər 4 milyard 502,4 milyon manat həcmində olub. Qeyd edək ki, xarici valyutada verilmiş kreditlərdən 217,9 milyon manat həcmində olan hissəsi vaxtı keçmiş kreditlər hesab olunur.

Bizim.Media