Ancelottidən centlmensayağı DAVRANIŞ

"Real”ın baş məşqçisi Karlo Ançelotti "Barselona"nın yarımmüdafiəçisi Dani Olmonu transfer edəcəkləri ilə bağlı yayılan xəbərlərə münasibət bildirib.

Bizim.Media İspaniya mətbuatına istinadən xəbər verir ki, La Liqa Olmomu 2024/25 mövsümünün ikinci yarısı üçün qeydiyyata almayıb. “Barselona” bu qərara etiraz edib. İndi futbolçunun gələcək bir neçə ay üçün karyerası qeyri-müəyyəndir.

İtaliyalı mütəxəssis baş verənlər haqda danışarkən deyib:

“Mən bu məsələnin mövzusunu və təfərrüatlarını bilmirəm. Onu deyə bilərəm ki, biz bütün klublara, qurumlara və qaydalara hörmət etməliyik”.

“El Gol Digital” isə yazıb ki, Ançelotti Olmonun transferini gündəmə almamaqla klublar arasında neytrallıq və qarşılıqlı hörməti pozmamağa diqqət yetirib.

Bizim.Media