"Qarabağ" - HİK oyununa nə qədər bilet satılıb?

Bu gün Avropa Liqasını 3-cü təsnifat mərhələsi çərçivəsində Bakıda keçiriləcək "Qarabağ" - HİK (Finlandiya) ilk  oyunu üçün satılan son bilet sayı açıqlanıb. 

Bizim.Media xəbər verir ki, Tofiq Bəhramov adına Respublika stadionunda təşkil olunacaq və saat 20:00-da başlanacaq görüşə 18  min bilet satılıb. Bu haqda Ağdam təmsilçisinin mətbuat xidməti məlumat yayıb.  

Qeyd edək ki, oyunun  biletlərinin qiyməti sektorlara uyğun olaraq 5, 10, 20, 30, 75 və 100 manat təşkil edir. Bundan əlavə, VVIP C və VVIP D sektorlara bilet alaraq, VIP Lounge üstünlüklərindən yararlanmaq istəyən azarkeşlər üçün biletlərin qiyməti isə 200 manatdır. 

Satış məntəqələri: 

-  Iticket.az-ın satış məntəqələri (iticket.az-da onlayn satış); 
-  Park Bulvardakı “Qarabağ” FK-nın Fan-Şopu; 
-  Tofiq Bəhramov adına Respublika stadionunun kassaları. 

Xatırladaq ki, "Qarabağ"la HİK arasında cavab oyunu avqustun 17-də Helsinki şəhərində keçiriləcək. 

Bizim.Media