“Kəpəz”dən gedəcək futbolçular müəyyənləşdi

"Kəpəz"in cari mövsüm bitəndən sonra yollarını ayıracağı futbolçular artıq dəqiqləşib.

Bizim.Media xəbər verir ki, bunlar qış fasiləsində gələrək əsas heyətə düşə bilməyən, ehtiyatda qalan ümumilikdə 5 futbolçudur.  

Söhbət legionerlərdən xorvatiyalı qapıçı Mario Mustapiçlə fransalı hücumçu Salif Sissedən gedir. Bunlar gəncəlilərin qış transferləridir.

Yerli futbolçular isə əsas kapitan olan cinah müdafiəçisi Tural Axundov və qış fasiləsində əvəzedici heyətə göndərilən qapıçı Kamran İbrahimovla mərkəz müdafiəçisi Elvin Yunuszadədir.  

Tural qışdan bu yana 1 dəqiqə belə oynamayıb, digər ikisi isə baş məşqçi Tərlan Əhmədov tərəfindən qışadək əsas komandadan uzaqlaşdıırlan, müqavilələri olduqlarına görə əvəzedici heyətdə çıxış etməyi üstün tutanlardır.  
Bu futbolçuların hamısının müqaviləsi cari mövsümün sonunda bitir və "Kəpəz" artıq addi yükü daşımamaq üçün oynamayaları saxlamayacaq. 

Rəşad Rafiqoğlu, Bizim.Media