Bu pələng AXTARIŞDADIR – O, qatilin dostu olub - VİDEO

Amerikada qətl törədib benqal pələngi ilə qaçan cinayətkar saxlanılıb.

Bizim.Media “REN TV”yə istinadən xəbər verir ki, ABŞ-ın Hyuston şəhərində girov müqabilində azadlığa buraxılan Viktor Hyuqo Kuevas yırtıcı heyvanla birlikdə qaçıb. 

Axrtarışları davam etdirən polis Viktoru tapıb həbs edə bilsə də, pələngin harada olduğu məlum deyil.

Qeyd edək ki, qətldə təqsirli bilinən Kuevas girov müqabilində azadlığa buraxılandan sonra qonşuları onun evində pələng gördükləri barədə hüquq mühafizə orqanlarına məlumat veriblər.

Onun meymun saxladığı da iddia olunur. Qanunla isə bu heyvanları ev şəraitində saxlamaq qadağandır. Polisin yoxlamaya gəldiyini eşidən Viktor pələngi maşına mindirib ərazidən uzaqlaşa bilib. 

Yenidən saxlanıldıqdan sonra Viktorun girov müqabilində azadlığa buraxılması ləğv olunub.

Pələngin isə axtarlışları gedir və izinə düşüblər. Çünki həmin şəhərin başqa hissəsində benqal pələnginin küçədə dolaşdığı görüntülənib.

Həmin videonu təqdim edirik:

Bizim.Media