Qardan sonra Bakı küçələri - FOTOREPORTAJ

Ötən gün axşam saatlarından başlayaraq Bakı da daxil olmaqla, bir sıra rayonlarımıza qar yağıb. Yağan qar və yolların buz bağlaması hərəkəti iflic edib. Paytaxt mərkəzə daha çox qarın yağması gediş-gəlişi çətinləşdirib.  

Hazırda yolun təmizlənməsi və hərəkətin bərpa olunması istiqamətində işlər görülsə də, yollarda yaranan iflic vəziyyət bəzi yerlərdə həm avtomobillərin, həm də insanların hərəkətini məhdudlaşdırıb. 

İctimai nəqliyyatda yaranmış ləngimə və gecikmələr  işə gedən insanların işini çətinləşdirib. 

Küləklə müşaiyət olunan güclü qarın yağması elektrik enerjisinin təminatında da fasilələr yaradıb. Əksər Bakıətrafı qəsəbələrdə elektruk enerjisinin verilişində məhdudidiyyətlər var. Çörək mağazalarında çörəyin çatdırılması problemi də yaşanır.

Ekologiya və Təbii Sərvətlər Nazirliyinin məlumatına görə hazırda müşayiət olunan hava şəraiti sabah günün səhər saatlarına qədər davam edəcək.

Günorta saatlarında isə külək bir qədər mülayimləşəcək.

Bizim.Media paytaxtın bu günkü görüntülərini təqdim edir:

Alçina Amilqızı, Bizim.Media