“Çelsi” əməkdaşlara xəbərdarlıq etdi

“Çelsi” klub əməkdaşlarını "Fantasy Premier League" (FPL) və digər onlayn oyunlarda iştirak edərkən daxili məlumatların sızmaması üçün diqqətli olmağa çağırıb.

Bizim.Media xəbər verir ki, bu barədə “BBC Sport” məlumat yayıb.

Buna səbəb ötən ay “Tottenhem”lə oyundan əvvəl Joao Pedronun zədəsi ilə bağlı məlumatların yayılması olub. Belə ki, qarşılaşmadan əvvəl bir sıra FPL iştirakçıları, o cümlədən “Çelsi” əməkdaşları braziliyalı hücumçunu virtual komandalarından çıxarıblar.

Nəticədə futbolçunun oyunda iştirak etməyəcəyi rəsmi açıqlamadan əvvəl məlum olub.

“Tottenhem”ə 0:2 hesablı məğlubiyyətdən sonra baş məşqçi Xabi Alonso hadisədən xəbərsiz olduğunu bildirib və gələcəkdə bu məsələyə daha diqqətlə yanaşılmalı olduğunu vurğulayıb.

Qeyd edək ki, ötən mövsüm PSJ ilə Çempionlar Liqasının hər iki oyunu öncəsi “Çelsi”nin start heyəti də mətbuata sızmışdı. Buna baxmayaraq klub əməkdaşlarının FPL-də iştirakına qadağa qoymağı planlaşdırmır. 

Bizim.Media