
- A-
- A
- A+
Paşinyan bu tarixdə Türkiyəyə gedəcək
Ermənistanın baş naziri Nikol Paşinyan noyabrın 11-də Türkiyəyə səfər edərək Antalyada keçirilən COP31 İqlim Konfransı çərçivəsində liderlərin sammitində iştirak edəcək.
Bizim.Media xəbər verir ki, Paşinyan səfər planları barədə noyabrın 5-də məlumat yayıb.
Ermənistanın baş nazirinə forumda iştirak etmək üçün dəvəti Türkiyə Prezidenti Rəcəb Tayyib Ərdoğan Nyu-Yorkda keçirilən görüş zamanı təqdim edib. Həmin görüşdə tərəflər Ermənistan-Türkiyə münasibətlərinin normallaşdırılması prosesini də müzakirə ediblər.
COP31 konfransı noyabrın 9-dan 20-dək Antalyada keçirilir. Dövlət və hökumət başçılarının görüşləri isə noyabrın 11-12-nə planlaşdırılıb.
Paşinyanın səfərinin İrəvan və Ankara arasında dialoqun inkişafında növbəti addım olacağı gözlənilir. Ermənistanın baş nazirinin Ərdoğanla ayrıca görüş keçirib-keçirməyəcəyi barədə hələlik rəsmi məlumat verilməyib.
Bizim.Media
Mətndə səhv varsa, onu qeyd edib ctrl + enter düyməsini basaraq bizə göndərin.




































































































