ChatGPT istifadəçilərin psixoloji profilini yaradır – Alimlərdən xəbərdarlıq

ChatGPT istifadəçilərlə söhbətlər zamanı onların şəxsi məlumatlarını yadda saxlayaraq ətraflı psixoloji profillər formalaşdırır. Alimlər bunun məxfilik üçün ciddi təhlükə yaratdığını bildirirlər.

Bizim.Media xəbər verir ki, Almaniya, Hindistan və Niderlanddan olan tədqiqatçılar 80 real istifadəçinin yazışmalarını araşdırıblar. Araşdırma zamanı 65 istifadəçinin qarşılıqlı əlaqələri ilə bağlı çatbotun yaddaşında 2050 qeyd aşkarlanıb.

Məlum olub ki, yadda saxlanılan məlumatların 96 faizi istifadəçilərin birbaşa göstərişi olmadan sistem tərəfindən yaradılıb.

Qeydlərin 28 faizində şəxsi məlumatlar, 52 faizində isə istifadəçilərin psixoloji xüsusiyyətləri yer alıb. Tədqiqatçılar xəbərdarlıq edirlər ki, süni intellekt istifadəçilərin birbaşa paylaşmadığı məlumatlar əsasında da nəticələr çıxara və fərziyyələri yadda saxlaya bilər.

Bu isə şəxsi həyatın toxunulmazlığı ilə yanaşı, insanlarda çatbotlara qeyri-sağlam emosional bağlılığın yaranması riskini artırır.

Bizim.Media