Pol Makkartni Ukraynaya dəstək üçün xeyriyyə konsertində iştirak edəcək - Foto

Böyük Britaniyada Ukraynaya dəstək məqsədilə “Songs of Freedom” adlı irimiqyaslı xeyriyyə konserti keçiriləcək. Tədbirdə Pol Makkartni, Barbra Streyzand və Şon Penn kimi dünya şöhrətli şəxslər də iştirak edəcəklər.

Bizim.Media xəbər verir ki, “The Telegraph”ın məlumatına görə, konsert 2027-ci il fevralın 3-də Mançesterdəki “Co-op Live” arenasında təşkil olunacaq.

Səhnəyə Bob Geldof, “Madness”, “The Doobie Brothers”, Kris Hynd və digər ifaçılar çıxacaqlar. Pol Makkartni və Barbra Streyzand isə tədbirə videobağlantı vasitəsilə qoşulacaqlar.

Konsertdən əldə olunan vəsait Ukraynaya yardım göstərən dörd xeyriyyə təşkilatına, o cümlədən UNITED24-ə və “Uşaqların Səsləri” fonduna yönəldiləcək.

Təşkilatçılar tədbiri 1985-ci ildə Efiopiyaya yardım məqsədilə keçirilən məşhur “Live Aid” konserti ilə müqayisə edirlər.