Əfsanəvi cüdoçu Fransa prezidentliyinə namizədliyini irəli sürəcək

Cüdo üzrə beşqat Olimpiya çempionu, fransalı Teddy Riner 2027-ci ildə keçiriləcək prezident seçkilərində iştirak edəcəyini açıqlayıb.

Bizim.Media xəbər verir ki, 37 yaşlı idmançı bu barədə “Instagram” hesabında paylaşım edib.

O, siyasətdə təcrübəsinin olmadığını etiraf etsə də, Fransanın dövlət borcunun artdığını, küçələrdə isə asayişin pozulduğunu bildirib.

Riner əsas məqsədlərinin gənclərin gələcəklə bağlı narahatlıqlarını aradan qaldırmaq, cəmiyyətdəki parçalanmanı azaltmaq və irqçiliyə qarşı mübarizə aparmaq olduğunu deyib. O, həmçinin pensiya sistemində islahatlar, vergilərin azaldılması və əməkhaqlarının artırılmasını vəd edib.

İdmançı özünü ifrat sağçı və ya solçu mövqelərdən uzaq, mərkəzçi siyasət tərəfdarı kimi təqdim edib.

Qeyd edək ki, Teddy Riner London (2012), Rio-de-Janeyro (2016), Tokio (2021) və Parisdə (2024) keçirilən Olimpiya Oyunlarında qızıl medal qazanıb. O, həmçinin 12 dəfə dünya, 5 dəfə Avropa çempionu olub.

Fransada prezident seçkilərinin birinci turu 18 aprel 2027-ci ildə, ikinci turu isə 2 mayda keçiriləcək.

Bizim.Media