Ərdoğan:“Qarabağda sülh və əmin-amanlıq ruhu hökm sürür”

Türkiyə Prezidenti Rəcəb Tayyib Ərdoğan Azərbaycana səfəri zamanı Qarabağda bərpa işlərinin fəal şəkildə aparılmasının şahidi olduğunu bildirib.

Bizim.Media xəbər verir ki, bunu Türkiyə Prezidenti Rəcəb Tayyib Ərdoğan Nazirlər Kabinetinin iclasından sonra keçirdiyi mətbuat konfransında bildirib.

Onun sözlərinə görə, Prezident İlham Əliyevin rəhbərliyi ilə bölgədə yollar, binalar, yeraltı keçidlər, dini ibadət yerləri və yaşayış evləri sürətlə tikilir.

“Bütün Qarabağda sülh və əmin-amanlıq ruhu hökm sürür. “İki dövlət, bir millət” prinsipinə uyğun olaraq azərbaycanlı qardaşlarımıza hərtərəfli dəstək göstəririk”, – deyə Ərdoğan bildirib.

O, həmçinin Azərbaycanın ərazilərinin azad edilməsi uğrunda həlak olan qəhrəmanların xatirəsini yad edib.

Bizim.Media