Yuri Semin: “Qurban Qurbanov “Qarabağ”da sadəcə uğur qazanmır, superuğurlu işləyir”

Rusiyanın tanınmış məşqçisi, Moskva “Lokomotiv”inin və Rusiya millisinin keçmiş baş məşqçisi, həmçinin Azərbaycan “Qəbələ”sində bir mövsüm çalışmış Yuri Semin “Qarabağ”ın “Ayntraxt” üzərindəki 3:2 hesablı qələbəsini şərh edib.

Bizim.Media xəbər verir ki, bu barədə xarici KİV yazıb.

“Qarabağ”ın “Ayntraxt” üzərində qələbəsi məni təəccübləndirmədi – deyə Semin bildirib. – Klubda uzun müddətdir çalışan məşqçi var. O, sadəcə uğur qazanmır, superuğurlu işləyir! Bu yol kiçik qələbələrlə başlayıb və böyük uğurlara çatıb. Onun işi insanlara bayram sevinci gətirir.

Bakıdakı Tofiq Bəhramov adına stadion dolu idi. Məşqçi “Qarabağ”a və azarkeşlərinə sevinc bəxş etdi. Buna görə “Ayntraxt” üzərində qələbə və 10 xal toplamaq tamamilə təbii idi.

“Qarabağ” Çempionlar Liqasının play-off mərhələsinə çıxa bilər. Bu, klubun düzgün yol izlədiyini və böyük uğur qazandığını göstərir. Onları təbrik etmək lazımdır.”

Bizim.Media