Topaz Premyer Liqanın 16-cı turunun AZAL ”“ “Qarabağ”x9d oyununda ciddi zədə alan Ağdam klubunun legioneri Dani Kintananın son durumu müəyyənləşib.
Klubun mətbuat xidmətinin rəhbəri Nurlan İbrahimov Qol.az-a açıqlamasında bildirib ki, tibbi müayinədən keçən 30 yaşlı yarımmüdafiəçinin diz bağlarının qırıldığı qətiləşib. Gözlənildiyi kimi, bu səbəbdən ispan futbolçu ən azı 6 ay yaşıl meydanlardan uzaq qalacaq. Onun yaxın vaxtlarda əməliyyat olunacağı gözlənilir.
Beləliklə, Dani üçün Topaz Premyer Liqasının 2016/17 mövsümü erkən başa çatıb. Bundan başqa, “Qarabağ”x9d avrokuboklara vəsiqə qazanacağı təqdirdə, Dani ilkin mərhələnin bəzi oyunlarını da buraxacaq.
