“Qəbələ” qanalı hücumçu transfer etdi

“Qəbələ” heyətinə daha bir futbolçu qatıb.  

Bizim.Media xəbər verir ki, “qırmızı-qaralar” Samuel Tettehin keçidini gerçəkləşdirib. 

27 yaşlı qanalı hücumçu ilə 2 mövsümlük müqavilə imzalanıb.  

Qeyd edək ki, Samuelin son klubu “Adanaspor” olub. 2021-ci ildən Türkiyə təmsilçisində forma geyinən forvard icarə əsasında “Bandırmaspor”da (2023) da çıxış edib.  

Tetteh karyerası ərzində Qanada VAFA (2014-2016), Avstriyada “Lieferinq” (2016-2017), “Red Bull” (2017-2021), LASK (2018-2020, icarə), “Sankt-Polten” (2021, icarə), ABŞ-da “Nyu-York Red Bull” (2020, icarə) klublarının şərəfini qoruyub.  
Qananın U-20 yığmasında da oynamış hücumçu 2015-ci ildən ölkəsinin əsas millisində debüt edib. O, bu komandada 8 matçda 1 qol vurub. 

Rəşad Rafiqoğlu, Bizim.Media