“Barselona”nın qapıçısı Avropada BİRİNCİDİR 

“Barselona”nın qapıçısı Mark-Andre ter Ştegen qapıçı qurtarışları faizinə görə Avropanın TOP-5 liqalarında liderlik edir. 

Bizim.Media xarici KİV-nə istinadən xəbər verir ki, alman qapıçı bu mövsümdə İspaniya La Liqasında zərbələrin 84,6 faizində komandasını xilas edib. 

Fransanın “Reyms” klubunun qapıçı Yevann Diuf bu göstəricidə (83,9%) 2-cidir. Nik Poup (“Nyukasl”, İngiltərə – 82,3%) 3-cü, Jeronimo Ruli (“Vilyarreal”, İspaniya – 82,1%) və Kepa Arrisabalaqa (“Çelsi”, İngiltərə – 82%) növbəti pillələrdə qərarlaşıb. Siyahıya bu mövsüm ən azı 25 qurtarış edən qapıçılar salınıb. 
Qeyd edək ki, “Barselona” La Liqada keçirdiyi 17 oyundan 13-də qol buraxmayıb və qapısında cəmi 6 top görüb. Bu, Avropanın aparıcı çempionatlarında ən yaxşı göstəricidir. 

Bizim.Media