“Mingəçevirdə baş verən hadisələrin səbəbi göründüyündən daha dərindir”x9d

Jurnalist Rasim Əliyevin döyülərək öldürülməsi ilə bağlı yaranan ictimai narazılıq səngiməmiş Mingəçevir Şəhər Polis Şöbəsində baş verən ölüm hadisəsi yeni etiraz və narazılıq dalğasına səbəb olub. 

Maraqlıdır, parlament seçkiləri ərəfəsində baş verən kütləvi narazılıq və etirazlar bu seçkilərin nəticəsinə də təsir göstərəcəkmi?

Moderator.az-a açıqlama verən “Turan”x9d İnformasiya Agentliyinin rəhbəri Mehman Əliyev jurnalist ölümü ilə Mingəçevir olayları arasında kifayət qədər böyük fərqin olduğunu qeyd etdi:

 “Doğrusu, qarşıdakı parlament seçkilərinə cəmiyyətin hər hansı formada marağını görümürəm. O ki,qaldı bu hadisələrə, doğrusu jurnalist Rasim Əliyevnən bağlı olayda cəmiyyətin hər hansı bir təpgisini görmədim. Narazılıq var idi, lakin bu narazılıq kütləvi etiraz formasında öz əksini tapmadı.  Yalnız bəlli bir qrup bununla bağlı öz etirazını fəal şəkildə ortaya qoydu. Mincəçevirdə baş verən hadisələr isə, həqiqətən də xalqın, sadə vətəndaşların etirazıydı. Bu, hansısa ictimai qrup tərəfindən idarə edilməyən etiraz idi. Yəni bu etirazın keçirilməsi sadə vətəndaşların özünün təşəbbüsü idi”x9d.

M.Əliyevin fikrincə, Mingəçevirdə baş verən etirazların kökü əslində daha dərin, daha mürəkkəbdir:

“Əslində Mincəçevirdə baş verən hadisələrin səbəbi daha dərindir. Mincəçevir keçmiş sovet dönəmində inkişaf etmiş sənayi şəhəri idi. Ona gənclik şəhəri də deyirdilər. Şəhərin abadlığı da, səliqəsi də, yaşam səviyyəsi də qaydasında idi. İndi isə şəhərdə işsizlik baş alıb gedir. Cavanların çoxu iş tapa bilmir. Hüquq- mühafizə orqanlarında, digər dövlət orqanlarında özbaşınalıq var. Bu isə insanlarda narazılıq yaradır. Mincəçevirdə baş verən etirazlar məncə daha çox bu problemlərlə bağlı etiraz idi. Sadəcə olaraq, Bəhruz Hacıyevin olayı bu məsələdə katalizator rolunu oynadı.

Hesab edirəm ki, Mincəçevirdə baş verən hadisələri Qubada və İsmayıllıda baş verən hadisələrlə müqayisə etmək daha doğru olar. Oradakı etirazların kökündə sosial- iqtisadi problemlər, insan hüquq və azadlığlarının tapdanması, insan şərəf və ləyaqətinin alçaldırması və s. kimi məsələdə dayanırdı”x9d.

Seymur Əliyev