“Gürcüstanda heç kəs Borçalını Krım kimi darmadağın etməyə icazə verməz”.
Bunu Moderator.az-a eksklüziv açıqlamasında Gürcüstan parlamentinin azərbaycanlı deputatı Azər Süleymanov Rusiyanın dəstəyi ilə Borçalının da müstəqil elan ediləcəyi ilə bağlı yayılan informasiyaya münasibət bildirib. Onun sözlərinə görə, Borçalıda yaşayan azərbaycanlılar arasında bir nəfər də olsa separatçı yoxdur:
“Borçalı camaatı heç vaxt buna razı olmaz. Hesab edirəm ki, bu Rusiya tərəfindən yayılmış profokasiya xarakterli informasiyadır. Burada 500 min azərbaycanlı yaşayır və heç bir azərbaycanlının fikrində belə bir şey yoxdur və olmayıb. Bu provakasiyalara uymaq lazım deyil və burada yaşayan bu qədər azərbaycanılının taleyi ilə oynamaq düz deyil”.
