“Bosniya qəssabı” Ratko Mladiç ÖLDÜ

Bosniya və Herseqovina serblərinin keçmiş komandanı, “Bosniya qəssabı” Ratko Mladiç ölüb.

Bizim.Media xəbər verir ki, bu barədə “Reuters” agentliyi məlumat yayıb.

Qeyd edək ki, 1942-ci ildə anadan olmuş Ratko Mladiç Bosniya müharibəsi (1992–1995) zamanı Bosniya serblərinin ordusunun Baş Qərargahına rəhbərlik etmiş general olub.

O, xüsusilə 1995-ci ildə Srebrenitsa qətliamı və Sarayevonun mühasirəsi ilə bağlı hərbi cinayətlərdə əsas fiqurlardan biri hesab olunur.

Mladiç 2011-ci ildə Serbiyada həbs edilərək Haaqa tribunalına təhvil verilib. 2017-ci ildə keçmiş Yuqoslaviya üzrə Beynəlxalq Cinayət Tribunalı onu soyqırımı, insanlıq əleyhinə cinayətlər və müharibə qanunlarının pozulmasında təqsirli bilərək ömürlük həbs cəzasına məhkum edib.

2021-ci ildə apellyasiya instansiyası hökmü qüvvədə saxlayıb.

Xatırladaq ki, Srebrenitsa qətliamı zamanı 8 mindən çox bosniyalı müsəlman kişi və oğlanın öldürülməsi onun adı ilə bağlı ən ağır cinayətlərdən biri kimi məhkəmə sənədlərində əksini tapıb.

Bizim.Media