“Özüm də bu
yolun bütün nəzəri əsaslarını işləyərək hazırlamışdım. Ancaq görünür həm
ağılları, həm siyasi hazırlıqları yetərli olmadığından bu cür xoşagəlməz
vəziyyətlə qarşı-qarşıya qaldılar. Mən ilk gündən bu yolun səhv olduğunu və
uğursuzluğa düçar olacaqlarını həmin qurumdakı bir çox şəxslərlə söhbətimdə
bildirmişdim.“
Mövzu ilə
əlaqədar Moderator.az-a
açıqlama verən Milli Şuranın üzvü, AXCP sədrinin müavini Nurəddin Məmmədli isə
filosofun bu təklifindən xəbərsiz olduğunu söylədi:
“Mən Əbülhəsən
Abbasovu çox yaxşı tanıyıram, o bu gün Azərbaycanın ən yaxşı filosofudur. Onun
təklifləri haqda mənim heç bir məlumatım olmayıb. Əgər onun təklifi barədə
məlumatım olsaydı, həmin təklifi mütləq Milli Şuranın gündəminə gətirərdim.
Ə.Abbasov bir sosioloq kimi ictimai problemləri üzrə ən güclü nəzəriyyəçidir.
Mən onun doktorluq dissertasiyasına rəy yazmışam və ona çox yüksək qiymət
vermişəm. Qeyd etmək istərdim ki, Milli Şura yaranan gündən bir çox məsələlər
arxa plana keçib, fikrimiz yalnız vahid namizədlə bağlı problemlərdə olub. Ona
görə də bir çox məqamlar nəzərimizdən qaçıb. Mən hal-hazırda Milli Şuranın
toplantısına gedirəm və orada bu məsələni araşdıracam, həmin təklif konkret
olaraq kimə təqdim olunub və niyə bu təklif müzakirəyə çıxarılmayıb?”
Xəyal Əzizov
