Rusiya ordusunun Xarkova endirdiyi zərbə nəticəsində yaralananların sayı 21-ə yüksəlib.
Bizim.Media xəbər verir ki, Xarkov Vilayət Hərbi Administrasiyasının məlumatına görə, yaralananlar arasında 5 yaşlı oğlan uşağı da var.
Hücum nəticəsində 50 və 66 yaşlı iki kişi həlak olub.
İşğalçı qüvvələr çoxmərtəbəli yaşayış binasına raket zərbəsi endirib. Binanın bir neçə mərtəbəsi dağılıb.
Hazırda hadisə yerində xilasetmə əməliyyatı davam edir. Dağıntılar altında insanların qalıb-qalmadığı müəyyənləşdirilir və axtarış işləri aparılır.
Bizim.Media
