Ukraynada separatçılarla hökumət qüvvələri arasında döyüşlərin getdiyi ərazidə Malayziya avialaynerinin vurulması hərbi cinayət kimi qiymətləndirilməlidir.
Moderator.az - ın İTAR-TASS-a istinadən verdiyi məlumata görə, belə bir bəyanatla BMT-nin insan haqları üzrə ali komissarı Navanethem Pilley çıxış edib.
N.Pilley bildirib ki, “Malaysian airlines” şirkətinə məxsus təyyarə Ukraynadakı durum barədə hesabatın hazırlanması başa çatan kimi, yəni iyulun 17-də vurulub. Onun sözlərinə görə, hesabat iyunun 8-dən iyulun 15-dək olan müddəti əhatə edir.
BMT komissarı qeyd edib ki, tezliklə hadisənin detalları araşdırılmalı və bu barədə beynəlxalq müstəvidə ölçü götürülməlidir.
