Səudiyyə Ərəbistanı Türkiyədəki konsulluqda münaqişə səbəbindən jurnalist Camal Kaşıkçının ölümünü təsdiqləyib.xa0
Oxu.Az xəbər verir ki, bununla bağlı “Reuters” agentliyi ölkənin baş prokurorluğunun bəyanatına istinadla məlumat yayıb.xa0
Səudiyyə Ərəbistanı rəhbərliyi kəşfiyyat xidmətinin əməkdaşı Əhməd Assirini istefaya göndərib və onu kral sarayının müşaviri statusundan məhrum edib. Baş prokurorun sözlərinə görə, vəliəhd şahzadəsinin müşaviri Səud əl-Kaxtani də vəzifəsindən azad edilib.
Səudiyyə tərəfinin məlumatlarına əsasən, Kaşıkçı konsulluqda görüşdüyü insanlar tərəfindən öldürülüb. Onların dəqiq kimliyi açıqlanmır. Faktla bağlı 18 nəfər saxlanılıb.xa0
Oktyabrın 19-da ABŞ prezidenti Donald Tramp etiraf edib ki, itkin düşmüş səudiyyəli jurnalist ölüb.
Kaşıkçı oktyabrın 2-də sənəd almaq üçün İstanbulda yerləşən Səudiyyə Ərəbistanı konsulluğuna daxil olduqdan sonra yoxa çıxıb.xa0
