Mosulda İŞİD terror qruplaşmasının yaraqlıları seks-kölə olmaqdan imtina edən 250 qadını edam edib.
Moderator.az rus mediasına istinadən xəbər verir ki, bu barədə Kürdüstan nümayəndəsi Səid Məmuzin məlumat verib. Onun sözlərinə görə, qruplaşma üzvləri qızlar və qadınları müvəqqəti nikaha daxil olaraq, onların kənizi olmağa məcbur ediblər.
“Seks-cihad”x9ddan imtina edənlər və onlardan bəzilərinin ailə üzvləri də qadınlarla birgə edam ediliblər. Kürd muxtariyyətinin digər nümayəndəsi isə bildirib ki, Mosul şəhərində qadınlara tək başına evdən çıxmaq, ictimai yerlərdə üzü, başı açıq görünmək, eləcə də, özünə sərbəst şəkildə ər seçmək qadağan edilib.
