Magistratura oxumuş zabitlərin nəzərinə – Müddət azaldılacaq

Ali təhsilin magistratura, rezidentura və doktorantura pillələrini bitirən zabitlərin hərbi rütbədə olma müddəti bir il azaldılacaq.

Bizim.Media xəbər verir ki, bu məsələ Milli bugünkü iclasında müzakirəyə çıxarılan “Hərbi xidmətkeçmə haqqında” Əsasnamənin təsdiq edilməsi barədə” və “Hərbi vəzifə və hərbi xidmət haqqında” qanunlarda dəyişiklik edilməsi barədə qanun layihəsində öz əksini tapıb.

Layihəyə görə, Azərbaycan Respublikası Silahlı Qüvvələrinin və hərbi xidmət nəzərdə tutulmuş digər dövlət orqanlarının (dövlət orqanlarının strukturuna daxil olan qurumların) sifarişi əsasında ali təhsil müəssisələrinin magistratura (rezidentura) səviyyəsini müvəffəqiyyətlə bitirmiş, habelə doktoranturada (adyunkturada) təhsilini başa vuraraq müvafiq elmi dərəcə almış zabitlərin hərbi rütbədə olma müddəti ali təhsilin göstərilən səviyyələrinin hər biri üzrə bir dəfə olmaqla bir il azaldılacaq.

Qanun layisəsi üçüncü oxunuşda qəbul edilib.

Günay Şahmar, Bizim.Media