Cəlilabaddakı qəzada xəsarət alanların vəziyyəti açıqlanıb.
Bizim.Media-nın sorğusuna cavab olaraq TƏBİB-den bildirilib ki, Cəlilabad rayonunda baş verən yol-nəqliyyat hadisəsi səbəbilə xəsarət alan 4 nəfər ( 2 qadın, 2 kişi) 18.09.2026-cı il tarixində saat 15:00 radələrində Cəlilabad Rayon Mərkəzi Xəstəxanasının Təcili tibbi yatdım şöbəsinə hospitalizasiya olunub.
Müxtəlif bədən xəsarətləri alan pasiyentlərə zəruri tibbi xidmətlər göstərilib.
Müalicələri Təcili tibbi yardım şöbəsində davam etdirilən şəxlərin vəziyyətləri stabil olaraq qiymətləndirilir.
Qeyd edək ki, bu gün Cəlilabad şəhərində üç avtomobilin iştirakı ilə yol-nəqliyyat hadisəsi qeydə alınıb. qəza “VAZ-21011” markalı avtomobilin yol üzərində dönmə manevri etdiyi vaxt baş verib.
Bu zaman arxadan gələn “Mercedes” markalı avtomobil “VAZ-21011”ə çırpılıb. Toqquşmanın təsirindən “VAZ-21011” idarəetmədən çıxaraq əks istiqamətdə hərəkətdə olan “VAZ-2106” markalı avtomobillə toqquşub.
Fəridə, Bizim.Media
