Avtomobil hərəkətdə olarkən qarşısına at çıxıb. Hadisə bu gün axşam saatlarında Oğuzun Calut kəndi ərazisində qeydə alınıb.
Bizim.Media-nın yerli bürosunun məlumatına görə, 51 yaşlı Oğuz sakini Tərlan Hümmətovun idarə etdiyi “KİA” markalı avtomobilin qarşısına qəflətən çıxıb. Nəticədə at maşına çırpılıb.
Qəza nəticəsində “KİA”nın sərnişini 62 yaşlı Mahirə Məsimova aldığı müxtəlif xəsarətlərlə Oğuz rayon mərkəzi xəstəxanasına yerləşdirilib.
Yaralıya ilkin tibbi yardım göstərilib, vəziyyəti orta-ağır qiymətləndirilir.
At isə zərbənin gücündən hadisə yerində tələf olub.
Faktla bağlı araşdırma başlanılıb.
Tural Rasim oğlu, Bizim.Media, Şimal-Qərb bürosu
