Türkiyənin tanınmış aktyoru Çağatay Ulusoy "Delibal" filminin qala gecəsinə qatılıb.
Musavat.com xəbər verir ki, jurnalistlərin suallarını cavablandıran aktyor xəstə olduğu üçün Bakını gəzə bilmədiyini qeyd edib: "Azərbaycanı çox sevirəm. Burada olmaqdan məmnunam. Xəstə olduğum üçün Bakını gəzə bilmədim. Film çəkilişləri maraqlı keçdi, biz çox əyləndik. Tamaşaçıları sevə biləcəkləri sevgi filmi gözləyir".
Filmin xanım baş rol ifaçısı Leyla Lydia isə yenidən ölkəmizin qonağı olmaq istədiyini dilə gətirib:
"Bu gün Bakını gəzdim, yeməklərinizdən daddım. Gözəl şəhəriniz, dadlı yeməkləriniz var. Buranı çox sevdim. Yenidən Azərbaycana gələcəm".
