Sentyabrın 12-də və 13-ə keçən gecə Ukrayna Müdafiə Qüvvələrinin bölmələri Rusiya ordusunun bir sıra mühüm hərbi obyektlərinə zərbələr endirib.
Bizim.Media xəbər verir ki, bu barədə Ukrayna Silahlı Qüvvələrinin Baş Qərargahının "Telegram" kanalında məlumat verilib.
Donetskdə zərbə pilotsuz uçuş aparatlarının saxlanılması, hazırlanması və buraxılması məntəqələrinə dəyib.
Xerson vilayətinin Dəmir Port (Jeleznıy Port), Skadovsk rayonlarında, həmçinin Krımın işğal olunmuş ərazisindəki Çernomorskoye və Olenevka yaşayış məntəqələrində "Geran" və "Gerbera" dronlarının idarə olunması üçün nəzərdə tutulmuş yerüstü retranslyatorlar və yerüstü antenalar hədəfə alınıb.
Bryansk vilayətində, Revnı yaşayış məntəqəsi rayonunda hədəfləri izləmə radiolokasiya stansiyası, Reçitsa yaxınlığında isə silah-sursat və hərbi texnika anbarı məhv edilib.
— News (@02042006Afa) September 13, 2026
Bizim.Media
