Sikorski: Rusiyanın müharibədə Polşanı məğlub etmək şansı yoxdur

Birbaşa münaqişə baş verəcəyi təqdirdə Rusiyanın Polşanı məğlub etmək üçün heç bir şansı yoxdur, çünki Varşava aviasiyada əhəmiyyətli üstünlüyə malikdir və Rusiya neft emalı zavodlarını (NEZ) tez bir zamanda sıradan çıxarmaq üçün resurslara malikdir.

Bizim.Media xəbər verir ki, bunu Polşanın xarici işlər naziri Radoslav Sikorski bildirib.

Onun sözlərinə görə, Baltik Dənizi Ölkələri Şurası hətta Avropanın və NATO-nun digər ölkələri olmadan da Rusiyadan daha yüksək ÜDM-ə malikdir və onun ümumi müdafiə büdcəsi sülh dövründə Rusiyanın müharibə şəraitindəki hərbi xərclərini üstələyir.

"Biz NATO olaraq öz tərəfimizdə o qədər miqyaslı və aktiv təlimlər keçirməliyik ki, Putin bizim məhz nə edəcəyimizdən əmin olmasın", – deyə Sikorski bəyan edib.

O qeyd edib ki, belə bir strategiya Rusiya tərəfini qüvvələri Ukrayna ərazisindən yayındırmağa məcbur etməlidir.

"Putin sözün əsl mənasında təsəvvür edirdi ki, SSRİ-nin dağılmasını ləğv edə və Rusiyanı yenidən superdövlətə çevirə bilər – bir növ Yalta-2 yaratmaq istəyirdi. Düşünürəm ki, o, indi bunun əlçatmaz olduğunu başa düşür", – deyə Polşanın XİN rəhbəri bildirib.

Sikorski, həmçinin vurğulayıb ki, hücum olacağı təqdirdə Polşanın aviasiyadakı üstünlüyünə görə Rusiya sürətlə məğlubiyyətə uğrayardı.

"Əgər ukraynalılar altı ay ərzində Rusiya neft emalı zavodlarının yarısını sıradan çıxarıblarsa, Polşa bunu altı həftəyə edər və qalan yarısını da məhv edərdi", – deyə nazir hesab edir.

Bizim.Media