ABŞ konqresmeninin olduğu təyyarə gölə düşdü

ABŞ Nümayəndələr Palatasının üzvü, Viskonsin ştatının qubernatorluğuna respublikaçı namizəd Tom Tiffani bildirib ki, içində olduğu təyyarə mühərrik gücünü itirdikdən sonra gölə məcburi eniş edib.

Bizim.Media xəbər verir ki, bu barədə "The Wall Street Journal" nəşri yazıb.

"Uosou aeroportuna yaxınlaşarkən uçduğum təyyarə gücünü itirdi. Pilot Uosou gölünün suyuna məcburi eniş etdi", – deyə siyasətçi "X" sosial şəbəkəsində yazıb. O əlavə edib ki, təyyarə batmağa başlayan kimi onu tərk edərək dayazlığa qədər üzüblər və orada xilasediciləri gözləyiblər.

İnsidentdən sonra siyasətçi və təyyarənin pilotu yerli xəstəxanaya çatdırılıblar, hər ikisinin xəsarətləri yüngüldür.

"The Wall Street Journal" qeyd edir ki, siyasətçi "Beechcraft K35" yüngülmühərrikli təyyarəsində uçurmuş və hadisə sentyabrın 12-də axşam saatlarında baş verib. Hava gəmisinin mühərrikinin sıradan çıxma səbəbi hələlik açıqlanmır.

Bizim.Media