Yeni Dehlidə keçirilən BRİKS sammitinin yekun bəyannaməsinin 140 bəndinin heç birində Ukraynanın adı qeyd olunmayıb.
Bizim.Media xəbər verir ki, sənəd Kremlin mətbuat xidməti tərəfindən dərc edilib.
Bəyannamədə bir sıra beynəlxalq və regional məsələlərə toxunulub. Sənəddə BRİKS ölkələrinin əməkdaşlığın daha da dərinləşdirilməsinə, qlobal idarəetmə sisteminin islahına və təkmilləşdirilməsinə sadiqliyi vurğulanır.
Bundan əlavə, sammit iştirakçıları nüvə təhlükəsi və münaqişələrlə bağlı narahatlıqlarını ifadə edib, beynəlxalq hüquqa zidd olan “birtərəfli” məcburedici tədbirləri pisləyib və qlobal ticarətin, təchizat zəncirlərinin və enerji təminatının fasiləsizliyini təmin etmək üçün ölkələrin birgə fəaliyyət göstərməsinin vacibliyini vurğulayıblar.
Bizim.Media
