ABŞ-ın sanksiyaları səbəbi ilə Rusiyanın milyardlarla dollar vəsait itirməsi, bir sıra böyük rus şirkətinin özünü müflis elan etməyə hazırlaşması ilə bağlı məlumatlar yayılmaqdadır.xa0
Rusiyanın maliyyə-iqtisadi durumunun ağırlaşması onun işğalçı Ermənistana göstərdiyi hərbi-maliyyə dəstəyinin azalmasına səbəb ola bilərmi?xa0
Moderator.az-a açıqlama verən Aydınlar Partiyasının sədri Qulamhüseyn Əlibəyli bu ehtimalın inandırıcı görünmədiyini vurğuladı:
“Güman etmirəm ki, Rusiyada iqtisadi vəziyyətin ağılaşması onun Ermənistana göstərdiyi dəstəyin azalmasına gətirib çıxaracaq. Ermənistanla Rusiya iqtisadi yox, hərbi-siyasi və strateji müttəfiq idi. Bu baxımdan düşünmürəm ki, maliyyə vəziyyətinin pisləşməsi onun Ermənistana olan dəstəyinin azalmasına səbəb olsun. Lakin Rusiyada problemlərin olması Azərbaycanın iqtisadiyyatına xeyli təsir göstərəcək. Bu, Azərbaycan manatının ucuzlaşmasına səbəb olacaq”.
Seymur Əliyev
