Suren Surenyants: “Ermənistanın vəziyyəti ağırdır, səhv etməyə haqqımız yoxdur”

“Hazırda Ermənistanda olan Almaniyanın xarici işlər naziri Almaniyanın Azərbaycana qarşı sanksiyalar tətbiq etməyə və lazım gələrsə, neft və qaz idxalına qadağa qoymağa hazır olub-olmadığı sualına cavab verməkdən yayınıb”. 

Bizim.Media xəbər verir ki, bu barədə politoloq Suren Surenyants “Facebook” səhifəsində yazıb. 

“Bu, əslində, hər hansı bir Qərb ölkəsininAzərbaycan və Türkiyəyə qarşı Ermənistanla ittifaq qurmaqda maraqlı olmadığının göstəricisidir. Bu kontekstdə mən daim iddia edirəm ki, Qərbin Ermənistanın ərazi bütövlüyünün qorunması ilə bağlı bəyanatları kifayət qədər deklarativ xarakter daşıyır və praktiki baxımdan aydınlığa ehtiyac duyur. 
Ermənistan üçün vəziyyət ağırdır, lakin həll yolları var. Çözüm variantları ilk növbədə regionda axtarılmalıdır. Ötən əsrin əvvəllərində Rusiya və Türkiyə ilə münasibətlərin tənzimlənməsi zərurətinə məhəl qoymayaraq növbəti dəfə Qərb illüziyalarına qapıldığımız ssenarini təkrarlamamalıyıq. İndi bizim eyni səhvi təkrar etməyə haqqımız yoxdur”, – politoloq yazır.