“Ölkəmizdə bütün yataqların işlənməsini həyata keçirmək niyyətindəyik” - Türkiyəli nazir

“Türkiyə öz ərazisində yerləşən bütün yataqların, o cümlədən dəniz zonalarındakı yataqların kəşfiyyat və işlənməsini həyata keçirmək niyyətindədir”. 

Bizim.Media “Anadolu”ya istinadən xəbər verir ki, bunu Türkiyənin enerji və təbii sərvətlər naziri Fatih Dönməz bildirib. 

“Yaxın günlərdə “Abdülhamid Han” qazma gəmisinin suya buraxıldığı Şərqi Aralıq dənizi bölgəsində 45-60 gün ərzində qazma işləri aparılacaq və hər hansı ehtiyat aşkarlanarsa, bu barədə ictimaiyyət məlumatlandırılacaq” – deyə nazir qeyd edib. 

F.Dönməz Türkiyənin Qara dəniz sektorunda yerləşən “Sakarya” yatağı haqqında danışarkən 2023-cü ilin mart ayında bu yataqdan ilk qazın sahilə çatdırılacağını vurğulayıb:

“Dənizin dibi ilə 120 km-lik boru xətti çəkilib, daha 50 km-lik xəttin çəkilişi həyata keçiriləcək”. 

Bizim.Media