Zelenski işğal olunmuş əraziləri Rusiyanın tərkib hissəsi kimi tanıyacaqmı?

Ukrayna Rusiya ilə danışıqlar çərçivəsində öz ərazilərindən imtina etmək niyyətində deyil.

Bizim.Media xəbər verir ki, bunu Ukrayna Prezidenti Volodimir Zelenski “CNN Türk”ə müsahibəsində bildirib.

Zelenski qeyd edib ki, Ukrayna şərq ərazilərinin, eləcə də Rusiyanın müvəqqəti işğalı altında olan Krımın Rusiyaya məxsus olması ilə barışa bilməz. Onun sözlərinə görə, bu, Ukraynanın şərəfinə, cəmiyyətin iradəsinə və Konstitusiyasına zidd olardı.

Prezident bildirib ki, Ukrayna üçün əsas prioritet hazırkı cəbhə xəttində atəşkəsə nail olmaqdır:

“Yalnız bundan sonra digər məsələlərin müzakirəsinə keçmək mümkündür”.

Bizim.Media