Rusiya Ukrayna gəmilərinə zərbə endirdi

Rusiya hərbçiləri noyabrın 2-nə keçən gecə Ukraynanın liman infrastrukturuna və Ukrayna Silahlı Qüvvələri üçün hərbi yüklərin daşınmasında istifadə olunan gəmilərə hücum edib.

Bizim.Media xəbər verir ki, bu barədə Rusiya Müdafiə Nazirliyi məlumat yayıb. Bildirilib ki, hücumlar pilotsuz uçuş aparatları vasitəsilə həyata keçirilib.

Nazirliyin məlumatına görə, hədəflər arasında Ukrayna ordusunun təminatı üçün istifadə olunan obyektlər, eləcə də hərbi təyinatlı yüklərin daşınmasında iştirak edən gəmilər olub.
 

Rusiya Müdafiə Nazirliyinin son günlərə aid məlumatlarında dəniz daşımaları ilə bağlı əməliyyatlar da yer alır. Life.ru-nun yazdığına görə, bundan bir gün əvvəl Odessa şəhərindən 16 kilometr cənub-şərqdə quru yük gəmisi vurulub. Rusiya Müdafiə Nazirliyi gəminin Ukrayna Silahlı Qüvvələri üçün yük daşıdığını və Qara dənizdə hərəkət edərkən hücuma məruz qaldığını iddia edib.

Məlumata görə, hücumlar təkcə gəmiləri deyil, dəniz pilotsuz aparatları ilə əlaqəli obyektləri də əhatə edib. Belə ki, oktyabrın 24-də Rusiya hərbçiləri Çernomorsk limanında pilotsuz katerlərin istehsalı sexini vurublar. Həmin gün nazirlik Ukrayna ordusu üçün yük daşıyaraq Odessaya doğru hərəkət edən daha bir quru yük gəmisinə hücum edildiyini də açıqlayıb.

Bizim.Media