Rusiya hərbçiləri Oleşkidə atəşkəs rejiminə əməl edirmi?

Ukrayna Müdafiə Qüvvələri Xerson vilayətinin Oleşki şəhərində humanitar missiya çərçivəsində tətbiq olunan atəşkəs rejiminə əməl edir, lakin Rusiya qüvvələri bu vəziyyətdən hərbi məqsədləri üçün istifadə edir.

Bizim.Media xəbər verir ki, bu barədə Ukrayna Hərbi Dəniz Qüvvələrinin dəniz piyadaları korpusunun mətbuat katibi Pavel Droqal “Ukrinform”a bildirib.

Onun sözlərinə görə, Rusiya hərbçiləri qüvvələrini təmin edib, ölən və yaralılarını təxliyə edib, şəxsi heyətin rotasiyasını həyata keçirib və mövqelərini möhkəmləndiriblər. Həmçinin, Rusiya kəşfiyyat PUA-ları ərazini müşahidə edib, bir neçə dəfə Ukrayna mövqelərinə sursat atıblar.

Droqal bildirib ki, atəşkəs qüvvəyə minməzdən əvvəl Rusiya qüvvələri Dnepr çayının sağ sahilini məsafədən minalayıb. Nəticədə ölən və yaralananlar var.

Bizim.Media