Rusiya sərhədində həyəcanlı anlar: ABŞ-ın kəşfiyyat təyyarəsi 5,5 saat uçuş həyata keçirdi

ABŞ-ın “Bombardier ARTEMIS II” kəşfiyyat təyyarəsi Rusiya sərhədləri yaxınlığında beş saat yarım patrul uçuşu həyata keçirib. Təyyarə Kalininqrad vilayətinin ətrafında iki dəfə dövrə vurub.

Bizim.Media xəbər verir ki, bu barədə RİA “Novosti” “Life.ru”ya istinadən məlumat yayıb.

Təyyarə Rumıniyadakı “Mixail Koqelniçanu” aviabazasından havaya qalxaraq əvvəlcə Kalininqrad vilayətinə, daha sonra Baltikyanı ölkələrlə Rusiya sərhədləri boyunca hərəkət edib. Uçuş zamanı bölgənin ətrafında yenidən dövrə vurduqdan sonra Rumıniyaya qayıdıb.

Rusiya sərhədləri yaxınlığındakı manevrlər Moskva vaxtı ilə saat 11:50-dən 17:20-dək davam edib.

“Bombardier Challenger 650” biznes təyyarəsi əsasında hazırlanan ARTEMIS II kəşfiyyat məlumatlarının toplanması üçün xüsusi avadanlıqlarla təchiz olunub və Baltik və Qara dənizlər üzərində mütəmadi uçuşlar həyata keçirir.

Bizim.Media