SSRİ-dən qalan 5 qəpiklər sizə qazanc gətirəcək – ATMAYIN

Sovet İttifaqı dövrünə aid bəzi 5 qəpiklərə kolleksiyaçılar arasında maraq artıb.

Bizim.Media xəbər verir ki, sosial şəbəkələrdə yayılan elanlarda xüsusilə 1965, 1966, 1969, 1971 və 1972-ci illərə aid 5 qəpiklərin alındığı bildirilir.

Məlumata görə, bəzi elanlarda 1965, 1966 və 1969-cu illərin 5 qəpikləri 50 manata, 1971 və 1972-ci illərin 5 qəpikləri isə 40 manata təklif olunur.

Ancaq sikkələrin real qiyməti onların vəziyyətindən, nadir variant olub-olmamasından və bazardakı tələbdən asılı olaraq dəyişir.

Ayrı-ayrı hərrac nümunələri göstərir ki, 1966-cı ilə aid bəzi 5 qəpiklər onlarla avroya təklif olunur.

Buna görə də köhnə sovet qəpikləri olan şəxslərə onları satmazdan əvvəl sikkənin ilini, vəziyyətini və mümkün kolleksiya dəyərini yoxlamaq tövsiyə olunur.

Bizim.Media