Türk lirəsindən növbəti ANTİREKORD – Ölkə hərəkətə keçdi

Türk lirəsinin dollara nisbətdə məzənnəsi tarixi minimumunu yeniləyib. 

Bizim.Media Türkiyə mətbuatına istinadən xəbər verir ki, lirənin ABŞ dollarına nisbətdə məzənnəsi 13,89 səviyyəsində ticarət olunub. Bu isə yeni antirekord hesab olunur.

Qeyd edək ki, bir neçə gün əvvəl keçirilən hərracda türk valyutası 2% ucuzlaşıb. 

Türkiyə prezidenti Rəcəb Tayyib Ərdoğan ölkənin maliyyə nazirini dəyişib. Lütfi Elvanın yerinə uçot dərəcəsinin aşağı salınması siyasətinin davam etdirilməsindən danışan Türkiyənin Maliyyə Nazirliyinə Nurəddin Nəbati təyin edilib.

Türkiyə Mərkəzi Bankı türk lirəsinin rekord ucuzlaşması fonunda yeni birbaşa valyuta intervensiyaları həyata keçirəcəyini açıqlayıb.

Beynəlxalq Reytinq Agentliyi Türkiyənin uzunmüddətli xarici valyutada defolt reytinqini sabitdən mənfiyə endirib.

Alçina Amilqızı, Bizim.Media