Hikmət Hacıyevdən BMT-nin Qarabağdakı missiyası ilə bağlı yeni PAYLAŞIM - FOTO

Azərbaycan Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev BMT-nin Qarabağdakı missiyası ilə bağlı yeni paylaşım edib.

Bizim.Media xəbər verir ki, bu barədə o, X sosial şəbəkəsində yazıb.

Onun sözlərinə görə, BMT-nin müstəqil missiyası Azərbaycanın Qarabağ regionu və Xankəndi şəhərində şəhərində olub, burada yerli əhali ilə görüşüb, səhiyyə və təhsil sahəsindəki vəziyyətlə yaxından tanış olub:

"Ziyarət edilən şəhər ərazisində mülki ictimai infrastruktura, o cümlədən xəstəxanalara, məktəblərə və yaşayış binalarına, habelə mədəni və dini binalara heç bir ziyanın dəyilmədiyi aşkar edilib. 

Missiya əmin olub ki, Azərbaycan Respublikası hökuməti şəhərdə tibbi xidmətlərin və bəzi ictimai xidmətlərin bərpasına hazırlaşır.

Son atəşkəsdən sonra yerli əhalidən dinc sakinlərə qarşı zorakılıq hadisələri ilə bağlı heç bir məlumatın alınmadığı bəlli olub.

Missiya yollarda kənd təsərrüfatı infrastrukturunun və ya ölmüş heyvanların məhv edilməsini qeydə almayıb. 

2020-ci ildə geri qaytarılan Ağdam ərazilərindən keçərək missiya dağıntıları və minalardan təmizlənmənin zəruriliyini, habelə hökumət tərəfindən həyata keçirilən yenidənqurma işlərini bildirib”, - deyə X.Hacıyev vurğulayıb.