Erməni professor: “Yürütdüyümüz yanlış siyasət bizi məhv etdi”

“Bu gün türklərin də bizə yazığı gəlir, bizim üçün ürəkləri yanır. Çünki ən axmaq şəkildə məğlub olduq. Bizim böyük olduğumuz xülya və yürütdüyümüz yanlış siyasət bizi məhv etdi”.

Bizim.Media “Azad İran” “Telegram” kanalına istinadən xəbər verir ki, bunu erməni politoloq və siyasi elmlər professoru Hrant Ter-Abramyan etiraf edib.

“Düşünürdük ki, Türkiyə və Azərbaycan məhv olacaq, İran və Fransa isə bizi dəstəkləyib xilas edəcək. Ermənistanda İranla Fransanın bizə görə Türkiyə kimi güclü bir ölkə ilə müharibəyə girəcəyini hələ də düşünən axmaqlar var”, - deyə o vurğulayıb.
Sonda erməni politoloq bölgədə bəzi aldanmış fanatiklərin ibrət dərsi alacaqlarına, yanlış hesablamalar və kor-koranə döyüşmək əvəzinə dinc və birlikdə yaşayışı seçəcəklərinə ümidini ifadə edib.

Bizim.Media