Rusiyalı hərbi ekspert: “Paşinyanın nə baş verdiyindən xəbəri yoxdur”

Ermənistanın baş naziri Nikol Paşinyan Ermənistan ordusunun Azərbaycanla hərbi əməliyyatlara hazır olmadığını əsaslandırmaq üçün Rusiya silahlarını tənqid edir.

Bizim.Media məlumat verir ki, bu sözləri RİA Novosti-yə müsahibəsində hərbi ekspert, hərbi elmlər doktoru Konstantin Sivkov söyləyib.

MÖVZU İLƏ BAĞLI:

Paşinyanın müsahibəsi - sudan quru çıxmaq cəhdi və Qərbə mesajlar

Sivkov Ermənistan baş nazirinin müsahibəsində qeyd etdiyi fikirləri şərh edərək “Paşinyan ordunun Azərbaycanla döyüş əməliyyatları aparmağa hazırlığını təmin etməməkdə günahlandırılır.

Bu doğrudur. Bu şərtlərdə özünü günahdan azad etməyə və Ermənistanı qüsurlu silah sistemləri ilə təmin etdiyi üçün Rusiyanı günahlandırmağa çalışır”, deyə qeyd edib.

Ermənistan rəsmilərindən Rusiyadan alınmış digər erməni silah sistemlərinə qarşı başqa tənqidlər eşitməyin mümkün olacağını da istisna etməyən Sivkovun fikrincə, Paşinyanın cəbhədə nə baş verdiyi ilə bağlı hər hansı bir məlumatı yoxdur.

Əgər “İsgəndər” raketləri həqiqətən bu qədər uğursuz olsaydılar, Azərbaycan tərəfi mütləq işə yaramayan raketlərin görüntülərini dünyaya nümyiş etdirəcəkdi, deyə ekspert vurğulayıb. 

Ekspert qeyd edib ki, gələcəkdə Ermənistan rəsmilərindən digər Rusiya silah sistemlərinə dair oxşar tənqidləri eşitmək mümkün olacaq.

Bizim.Media