Neftin qiyməti 65 dolları ötdü - İl ərzində ilk dəfə 

Dünya bazarlarında “Brent” markalı neft yenə bahalaşır.

Bizim.Media xəbər verir ki, Londonun “İCE Futures” birjasında “Brent” markalı neftin aprel fyuçersi bahalaşaraq 65,46 ABŞ dollarına satılıb.

“Brent” markalı neft son dəfə 2020-ci ilin yanvarında 65 dollarlıq həddi keçmişdi.

Bundan sonra neftin qiyməti ucuzlaşıb. Əvvəlcə OPEC+ sazişinin pozulması, sonra isə işgüzar və istehsal fəallığını əhəmiyyətli dərəcədə azaldan koronavirus pandemiyası ucuzlaşmanın əsas amili olub. Pandemiya şəraitində xüsusən beynəlxalq daşınmalar sektoru azalıb, bu da həmçinin neftin qiymətinə təsir göstərib.

İndi dünyada koronavirusa yoluxma azalmağa doğru gedir. Bu isə fevralda qiymətlərdə maksimum həddə nail olmağa imkan verib.

Ötən gün Bakı vaxtı ilə saat 10.50-yə olan vəziyyətə görə “Brent” markalı neftin aprel fyüçersləri 0,24 faiz bahalaşaraq 63,5 ABŞ dollarına satılıb.

Bizim.Media