Anar Ağakişiyevin çantasında “powerbank” partladı - Xəsarətlər aldı - VİDEO

Tanınmış stilist Anar Ağakişiyevin çantasında “powerbank” partlayıb.

Bizim.Media xəbər verir ki, o bu barədə sosial şəbəkə hesabında məlumat verib.

Çinin Quançjou şəhərində olan stilist bildirib ki, çantasında olan “powerbank” qəfil partlayıb.

Hadisə nəticəsində Anar Ağakişiyevin dodağı, burnu və saçları yanıb.

Stilist hadisənin pasport nəzarəti zamanı baş verdiyini və alovun üzünə qədər çatdığını söyləyib.

O, həkimə getdiyini bildirib.

Anar Ağakişiyev hadisədən sonra çantasının vəziyyətini də nümayiş etdirib. Görüntülərdə “powerbank”ın partlaması nəticəsində çantanın zədələndiyi görünür.

 
Bizim.Media